楊文蔚

楊文蔚係香港跳高代表，係香港跳高女子紀錄保持者。佢係2017年嘅亞洲田徑錦標賽嘅女子跳高項目當中，奪得銀牌。

喺初初練習跳高嘅時候，佢遇到好多困難。佢憑着優異嘅跳高成績，喺中三轉到香港傳統名校-女拔萃書院，但係佢發現自己嘅英語水平同埋其他學科成績都不如理想，於是佢除咗要兼顧緊密嘅跳高練習之外，同時要花好多時間溫習同埋補習。另外，由於父母早已離異，令到佢從小就同細佬相依為命，所以佢要喺其餘空閒嘅時間做兼職，從而幫補高昂嘅補習費和自己嘅生活費。面對住種種困難，佢都堅持落去，並冇放棄練習跳高，並成功成為職業運動員。

成為職業運動員後，楊文蔚嘅目標係希望可以參加奧運會，但係自己跳高嘅成績卻一直未達到奧運入場券嘅兩米。頻密而且高強度嘅練習令到佢不斷受傷患嘅困擾，不過佢並沒有因此而氣餒，反而每次受傷後都積極接受治療及復康運動，希望可以盡快恢復練習。

種種嘅困難都無阻佢繼續突破跳高嘅成績，希望佢可以達到目標，成功參加奧運會。